الفيس بيحتفل بصداقة د سمير , وانا هافضل طول عمرى احتفل برزق ربنا الطيب ف معرفة د سمير استاذى اللى وجوده معنى فارق ف حياة ناس كتيييير
يعنى ايه د سمير
الاستاذ اللى بيعلمنا انسانية قبل العلم واللى بنلاقيها ف تعامل وعلاقته بينا كمعلم
الاستاذ اللى ممكن نبقى عدد كبير متواجدين معاه ومدى اهتمام لكل شخص موجود من غير اى تمييز
الاستاذ اللى لما حد بيتساءل ف مناقشة حاله تلاقى رد من خبرة انسانية وعلميه بتفتح ابواب مكنتش واخد بالك منها
الاستاذ اللى جمع اجيال كتيييير سوا على حب التعليم والونس مع علم حقيقى
الاستاذ اللى بيشارك تلامذته ازماتهم واحزانهم واحتفالتهم ومناسباتهم بالتواجد او المشاركه الانسانيه
الاستاذ اللى لو انت سبب معرفة زميل بيه تلاقيه جاى يشكرك ويمتن بالفضل انك عرفته عليه ويقول قصيدة شعر عنه
الاستاذ اللى لما تبعتله سؤال ممكن يتصل بيك او يسجلك رساله صوتيه فيها خبرة سنين وتبقى متفاجيئ
بالاهتمام ده
الاستاذ اللى وانت ف مجموعه معاه او جروب جمعى بيحمى تلامذته من حكم او اساءه من اخر وبيوقف ده بانسانية وعدل
الاستاذ اللى لو فيه خلاف معاه ف الراى يقول تمام هافكر فى الراى ده حتى لو راى شخصى عن موقف ليه
الاستاذ اللى تصطبح برساله منه علي جروب واتس د سمير تلاقى الناس مبتهجه وتبتسم فى اول يومك
الكلام مش هايوفى عن د سمير المعلم والانسان
انا باقول لزمايلى لما بيسالونى عن حضور كورسات ويسالونى عن د سمير ان اللى ما عداش على د سمير فيه حاجه فاتته فى الطب النفسى
يديمك رزق طيب فى حياة البشر

عشر اسباب تخليك تحب وتحترم د سمير .
1-حكيم جدا ,فى الكلمه والنظرة , وتقعد قدامه تحس انه مالى عقلك قبل حتى اما يملى عينك.
2-طيب جدا, نادر اما يزعق او يقول لحد كلمة تدايقه او تجرحه .
3-علمه,دايما عنده معلومات جديدة وبيتابع كل جديد ومش معتمد على علومه القديمه, لا دايما عنده جديد .
4-التواضع ودى حط تحتها مليون خط , انا مرة سئلت دكتور سمير على معلومه فاتفاجئت برده لما قالى انه معندوش اجابه وانه هيراجع المعلومه ويقولى وطلب كمان اننا نعمل عنها بحث ونذاكرها ونتناقش فيها كلنا, كمان من تواضعه وحسن اخلاقه انه بيقف وهو بيسلم على اى حد يكلمه سواء عامل ممرض دكتور عيان او حتى وزير وعمره ما عاملنى انا وزمايلى كأننا صغيرين او حتى شغالين عنده .
5- الالتزام , استاذى دكتور سمير ملتزم ب العلم والمواعيد ومنضبط لدرجة اننا بنظبط شغلنا ومواعيدنا عليه .
6-حب الحياة , ودى حاجه حلوه اوى بحاول اتعلمها منه , حب الاصحاب الاهل النادى الرياضه , يعنى الواحد يبقى استاذ ودكتور فى الشغل بس وبرى الشغل انسان طبيعى مقبل ومشرف على الحياه.
7- الكرم, استاذى دكتور سمير عنده كرم اخلاق وكرم مادى وبيعزمنا على الاكل دايما بمناسبه ومن غير مناسبه,هيوحشنى والله الفطر والاجتماعات مع حضرتك يا دكتور سمير
8- القدره العظيمه على التأثير فى المرضى والمعالجين والمتعالجين , يعنى دكتور سمير يقول للعيان الحاجه العيان يقول امين حتى المرضى اللى مبيسمعهوش الكلام وبيتدايقوا
منه برضه بيحبوه , أذكر مره احد المرضى قال لدكتور سمير انا بحبك لانك الوحيد اللى بيقدر يسيطر عليا يعنى الواحد ساعات بيحس ان الدكتور سمير هو الاب الوحى للمرضى قبل مايكون المعالج بتاعهم .
9- واللهى يادكتور سمير انى احبك فى الله وسعيد انى كنت من احد تلامذتك واحد افراد الفريق العلاجى عندك وان شاء الله احافظ على اللى اتعمته منك طول العمر وارجعاشتغل معاك تانى ان شاء الله وربنا يديك البركه فى العمر والصحة والمال والاولاد .
10- دى انا سايبها مفتوحه لانهم مش بس عشر اسباب دول مليون سبب عشان تحب الاستاذ الدكتور سمير أبو المجد .
#شكرا استاذى العظيم

استاذى الفاضل واذا سمحت الوالد الفاضل

لم اعتد التطفل على احد ولكن مع مالمسته من سيادتكم من حنان من خلال الرد على بعض ما اكتبه على الفيس …. رايت لزاما على ان اسطر بعض الكلمات لعلها تنقل لكم مايجيش فى داخلى من مشاعر فياضة هى فى الاصل كل الاعزاز والتقدير والامتنان..
د.سمير شكرا لانك الشخص الوحيد الذى استطاع تلمس ما انشده نعم انى اتسول حنان ابى رحمه الله… مضت سنون استطعت فيها ان اتعامل مع الحياة فى غياب قدوتى ولكن مع ما مر بنا من احداث المتنى وهزتنى تتابع معها تحطم الكثير من الثقات والمبادئ
المتاصلة فى داخلى وسئمت معها جفاف الحياة تفجر فى داخلى وبقوة الحاجة الى قدوتى بعقله وحنانه ودفئ مشاعره اكره ضعفى ولكنى فعلا احتاج الى حضن والدى الى يده التى تربت على كتفى حاملة كل مشاعر الابوة والحب….ليس فى حياتى مأساة او كارثة لكن نفسى فجأة ملت الحياة ولم تعد قادرة على العطاء..فقدت احساسها بالمتعة بأى شئ واصبح قلبى متحجرا لا يستطيع البكاء … لم اعتد التجاوب بهذا الشكل فى اى ورشة عمل ….لكن هذه كانت مميزة….حتما ذلك لمهارة من يديرها .. شكرا سيدى الفاضل تقبل منى اسمى ايات …… لقد اعدت لى قدرتى على البكاء العرفان والاجلال …..آسف ان اطلت…
لم تكن هذه السطور موضوعا انشائيا ولكنها كلمات من القلب لتصل الى القلب .

أ.د سمير أبوالمجد
منك تعلمنا أن للنجاح قيمة ومعنى ومنك تعلمنا كيف يكون التفانى والإخلاص فى العمل..

ريهام الملوانى.ياسمينة الخياط